Türkiye İnovasyon week 2024

BE Group Tech: O‘z ishtiroki va imkoniyatlari

BE Group Tech ushbu tadbirda ikkinchi marta ishtirok etmoqda va innovatsiyalar haftaligida texnologik loyihalar, raqamli ekotizimlar va OSED platformasi bilan bog‘liq hamkorliklarni rivojlantirishni maqsad qilmoqda. O‘tgan yilgi ishtirokimiz davomida juda ko‘p foydali uchrashuvlar o‘tkazildi, bu yil esa katta investorlar va texnologiya kompaniyalari bilan yanada yaqin hamkorlik o‘rnatish rejalashtirilgan.

Bu yilgi tadbirda, turli davlatlar, jumladan Yevropa, Amerika va Osiyo mamlakatlaridan kelgan nufuzli korporatsiyalar va tadbirkorlar bilan ham uchrashish kutilmoqda. BE Group Tech o‘zining bir nechta loyihalarini keng jamoatchilikka taqdim etadi. Xususan, OSED, OasisAcade va boshqa raqamli ekotizimlar bo‘yicha loyihalar haqida batafsil ma’lumot beriladi.

OSED Ekotizimining Innovatsion Hamkorliklari

OSED ekotizimi innovatsiyalar haftaligida alohida o‘rinni egallaydi. Yil davomida OSED orqali amalga oshirilgan loyihalar va talabalarga ko‘rsatilgan qo‘llab-quvvatlovlar haqida batafsil axborot beriladi. Boshqa mamlakatlarning universitetlari va texnologik kompaniyalari bilan o‘zaro tajriba almashish va hamkorlik qilish imkoniyatlari muhokama qilinadi. BE Group Tech jamoasi OSED ekotizimini yanada rivojlantirish, uni xalqaro miqyosga olib chiqish uchun yangi hamkorlar izlaydi.

Tadbirlarda BE Group Techning maqsadi

Tadbir davomida BE Group Tech o‘z loyihalarining xalqaro miqyosdagi imkoniyatlarini o‘rganish, yirik kompaniyalar bilan muzokaralar o‘tkazish va yangi texnologik echimlarni tatbiq etishni rejalashtirmoqda. Ayniqsa, moliyalashtirish, texnologiyalarni rivojlantirish va talaba innovatsiyalari bilan bog‘liq loyihalarda xalqaro investorlar va hamkorlar bilan ishlashni boshlash kutilmoqda.

Tadbir yakunida BE Group Tech o‘ziga xos yutuqlar bilan maydonga chiqishi va O‘zbekistonning texnologik sohada raqamli liderlardan biriga aylanishiga katta hissa qo‘shishi kutilmoqda.